ՀՀ ԱՆ. Սոցիալական մեդիան և հոգեկան առողջությունը

Ժամանակակից տեխնոլոգիական զարգացման արդյունքում մարդիկ շատ ժամանակ են անցկացնում սոցիալական ցանցերում կամ օնլայն խաղերում: Հաճախ այս ամենն այնքան է խորանում, որ մարդկանց մոտ խաթարվում են իրական սոցիալական շփումներն ու ամենօրյա գործունեությունը:

Հետազոտությունները ցույց են տալիս, որ սոցիալական մեդիայից կախվածությունը վերջին շրջանում կտրուկ աճել է՝ հասնելով ավելի քան 12%-ի, որը 2018 թվականին կազմել է ընդամենը 7%:

Սոցիալական մեդիայի չարաշահումը բնութագրվում է որպես կախվածություն, որը բերում է վնասակար հետևանքների:

Դրանք են՝

    

• սոցցանցերում անցկացված ժամանակահատվածի նկատմամբ վերահսկողության կորուստ,
• այլ զբաղմունքներից հրաժարում (ուսում, սպորտ, աշխատանք և այլն),
• իրական սոցիալական կապերի խաթարում (ընկերներ, բարեկամներ, ընտանիք, աշխատանք):
• Ինչ ախտանիշներ կարող են դիտվել՝
• իրականության զգացողության և հետաքրքրությունների կորուստ,
• մշտական բնույթ կրող քնի խանգարումներ,
• մշտական թուլության և հոգնածության զգացողություն,
• դյուրագրգռություն, պոռթկունություն,
• դեռահասների մոտ ագրեսիայի դրսևորումներ,
• ուշադրությունը կենտրոնացնելու դժվարություններ,
• աշխատունակության և ուսանելիության վատթարացում,
• գլխացավեր:

Սոցիալական մեդիայից կախվածությունը հաղթահարելու համար անհրաժեշտ է դիմել հոգեկան առողջության մասնագետի (հոգեբան, հոգեբույժ): Չափազանց կարևոր է դեռահասների շրջանում կանխարգելումը՝

    

• կիրառե՛ք սոցիալական մեդիայում անցկացվող օրական ժամանակահատվածի սահմանափակում,
• շաբաթական մեկ անգամ հայտարարե՛ք առանց սոցիալական մեդիայի օր,
• քննարկե՛ք դեռահասի հետ սոցիալական մեդիայի վնասակարությունը և օգուտները,
• առաջարկե՛ք զբաղմունքի այլընտրանքներ՝ սպորտ, հոբբի, ընտանեկան համատեղ ակտիվություն,
• խրախուսե՛ք կենդանի շփումները:
  
  

Հարցեր, պատասխաններ, մեկնաբանություններ